Tuladha Pidhato Basa Jawa Tema Perpisahan

PIDATHO 1

Assalamualaikum w.r.w.b.

Ingkang kawulo hormati Bapak Kepala Sekolah lan Bapak/Ibu Wali kelas saha kula tresnani rencang-rencang SDN Gelaran II.

Alhamdulillah, puji syukur katuraken in ngarsanipun Gusti Allah awit ing wekdal menika kita taksih pinaringan karaharjan saengga ing wekdal menika kita saged makempal wonten ing papan punika.

Kula, wakil saking kelas enem, ngaturaken agunging panuwun dhumateng Bapak Ibu Guru.

Awit saking sih katresnan bapak ibu guru sedaya, kula lan rencang-rencang saged ngrampungaken kewajiban ngangsu kawruh wonten ing pawiyatan SDN Gelaran II menika.

Nyuwun pangapunten awit asring damel duka lan kuciwa dumateng panjenengan sedaya.

Kula lan rencang-rencang naming saged ngaturaken pandonga mugi amal Bapak Ibu Guru pikantuk piwales saking Allah Swt, tansah pinaringan kawilujengan, kasarasan, lan katentreman.

Dhumateng hadirin sedaya, kula ndedonga mugi tansah pinaringan rahmat saking Gusti Allah, Amin.

Wasana cekap semanten atur kawula, menawi wonten kalepatan kula nyuwun agunging pangapunten.

Wassalamualaikum w.r.w.b.

PIDHATO 2

Assalamualaikum w.r.w.b.

Puji syukur kagem Gusti Allah ingkang Maha Asih, awit ing wekdal menika kita sedaya taksih pinaringan rahmat saengga ing wekdal menika kita saged makempal kanthi pinaringan kasarasan lan karaharjan.

Kula, minangka wakil saking kelas enem, ngaturakeun agunging panuwun ingkang tanpa upami dhumateng Bapak Ibu Guru saengga saged ngrampungaken kewajiban sekolah wonten ing SD Gelaran II punika.

Mugi sedaya amal lan kasaenan bapak ibu guru pikantuk piwales saking Gusti Allah ingkang Maha Asih lan Maha Agung.

Kula ugi ndedonga, mugi panjenengan sadaya pinaringan kasarasan, kawilujengan, lan katentreman saengga saged nggulawentah dhateng adhik-adhik sedaya ngantos dumugi paripurna kanthi biji ingkang maremaken.

Dhumateng rencang-rencang sedaya, mugi tansah pinaringan sehat, rahmat, saha barokah saking Gusti Allah ingkang Maha Agung, Amin.

Semanten atur saking kawula, menawi kathah kalepatan atur saha solah bawa ingkang boten mranani penggalih, kulo nyuwun agunging pengapunten.

Matur nuwun.

Wassalamualaikum w.r.w.b.

PIDHATO 3

Assalamualaikum w.r.w.b.

Bapak Kepala Sekolah ingkang kulo hormati.

Bapak Ibu Guru Ingkang satuhu kinurmatan.

Ugi adik-adik lan rencang-rencang ingkang kulo tresnani.

Alhamdulillah puji syukur tansah kito haturaken dhumateng Gusti Allah Ingkang Maha Agung, Ingkang sampun angluberaken rahmat sarta hidayah sahingga kita sedaya saget makempal wonten ing acara perpisahan kelas 6 punika.

Bapak ibu guru Ingkang kula hurmati, kulo minangka wakilipun putra-putri kelas enem ngaturaken agunging panuwun awit keikhlasan saha katresnan Bapak lan Ibu guru anggenipun nggulawentah para siswa saengga saged ngrampungaken kewajiban ingkang sampun kalampahan sadangunipun enem tahun.

Bapak ibu guru saha adik-adik, sakedhap maleh kulo sarencang ninggalaken pawiyatan punika. Sanadyan sampun perpisahan ingkang ateges tinebih ing netra, mawantu-wantu kulo tansah nyenyuwun supados taksih celak ing penggalih.

Kula sak konco kelas enem punika tansah nyenyuwun lan ndedonga adik-adik sedaya kasil anggenipun ngangsu kawruh ing pawiyatan punika. Kula minangka wakilipun rencang kelas enem, tansah nyuwun kagem adhik-adhik, mugi-mugi adik-adik sregep anggenipun sinau.

Kulo kinten boten prayogi menawi atur kulo kekatahen, menawi wonten kirang tatakrami anggen kulo matur, kulo nyuwun agunging pangapunten.

Wassalamualaikum w.r.w.b.

PIDHATO 4

Assalamualaikum w.r.w.b.

Bapak Kepala Sekolah ingkang kawula hurmati,

Bapak ibu guru ingkang kinurmatan,

Bapak ibu wali murid ingkang kula tresnani,

Lan rencang-rencang ingkang minulya.

Sumangga kita sedaya ngaturaken puji syukur marang Gusti Allah, saengga kita sedaya saged makempal ing papan punika kanthi sehat lan mboten wonten alangan menapa. Shoalawat salam mugi katetepna dumatheng nabi Muhammad saw.

Ingkang sapisanan, kulo ngaturaken panuwun kangge Bapak/Ibu guru ingkang sampun maringi bimbingan lan mulang ing wekdal 6 tahun terakhir. Mugi-mugi Allah tansah maringi kaberkahan kangge Bapak/Ibu guru sedanten.

Ing kesempatan menika, kula makili kanca kanca saking kelas 6, ugi nyuwun lumunturing samudra pangaksami mbok bilih kula lan para kanca kathah kaluputan ingkang nganggu lan nyinggung raos Bapak/Ibu guru. Mugi-mugi Bapak/Ibu guru saged ngapunteni kanthi ati ingkang jembar.

Kangge adik kelas 1 dumugi kelas 5, tetep sregep anggene sinau kanti tekun, kita kelas 6 kepingin adik adik kelas menika saged dados pelajar ingkang rajin lan tansah ngurmati tiyang sepuh lan Bapak/Ibu guru.

Ingkang salajengipun, mugi-mugi SDN Gelaran II tansah jaya terus.

Bapak/Ibu guru ingkang kinurmatan, kulo makili sedanten kanca kelas 6, nyuwun pamit lan nyuwun doa restunipun mugi-mugi saged pun tampi ing SMP.

Wasana cekap semanten ingkang saged kula aturaken.

Wassalamualaikum w.r.w.b.